विदर्भ स्पेशल चमचमीत दही भेंडी | Dahi Bhendi Recipe in Marathi
भेंडी किंवा Lady Finger च्या चाहत्यांचा एक वर्ग वेगळाच आहे. भेंडीचे अनेक प्रकार करता येतात, आज आपण बघूया दही भेंडी काशी करायची ते. चला तर, बनवुया दही भेंडी (Dahi Bhendi)!
दही भेंडी (Dahi Bhendi) – साहित्य
- भेंडी – १/२ किलो
- दही – १२५ ग्राम
- तेल – ३ मोठे चमचाभर
- जिरे – १/२ चमचा
- मोहरी – १/४ चमचा
- हळद – १/२ चमचा
- धने पूड – १ चमचा
- हिरव्या मिरच्या – ५ ते ६
- हींग – १/४ चमचा
- अद्रक लसुन पेस्ट – २ चमचे
- गरम मसाला – १/२ चमचा
- मिठ – चवीनुसार
- साखर – १/४ चमचा
- कोथिंबीर
दही भेंडी (Dahi Bhendi) – कृती
प्रथम भेंडीचे मध्यम आकाराचे काप करून घ्यायचे आहेत, त्यासाठी एक सूरी घेऊन तिला लिंबाची फोड घासून घ्यावी व नंतर त्या सुरीने भेंडीचे काप करावे. असे केल्याने कापताना भेंडी सुरीला चिकटत नाही.
कढई मधे ३ चमचे तेल गरम करा. तेल गरम झालं की त्यात जिरे ,मोहरी ,हिंग घालुन परतवून घ्या. नंतर त्यात हिरवी मिरची आणि अद्रराक लसूण पेस्ट घाला. मध्यम आंचेवर परतवून झालं की त्यात हळद आणि धने पावडर घाला आणि लगेच कापलेली भेंडी टाकून छान परतून घ्या. ५ – ६ मिनिटे शिजवून झाली की त्यात दही घालून मिक्स करून घ्या. मिश्रण कमी आचेवर १५ ते २० मिनिटे भेंडीचे चिकट तार सुटे पर्यंत शिजवून घ्या.
Also Read
लाल मिरचीचा ठेचा (Lal Mirchicha Thecha)
प्रत्येक ५ – १० मिनिटांनी भाजी थोडी चमच्याने फिरवून घ्यावी. शेवटी चवी प्रमाणे मिठ, थोडी साखर आणि गरम मसाला घालून परतावे. आपली दही भेंडी (Dahi Bhendi) तय्यार!
सर्व करतांना छान कोथिंबीर घालून गार्निश करावे. दही भिंडी आपण पोळी, पराठे, तंदुरी रोटी किंवा नान सोबत खाऊ शकता.
Khup chan recipe aahe.dahi bhendi khup aawadali